پاکستان اور افغانستان کا امن و یکجہتی کے لیے اقدامات پر اتفاق

پاکستان اور افغانستان کے درمیان امن و یکجہتی کے لیے اقدامات پر اتفاق کیا گیا ہے اور  امن و استحکام کے لیے پاک افغان پلان آف ایکشن کو بھی حتمی شکل دے دی ہے۔

پاکستان اور افغانستان کے سفارتی وفود کی ملاقات اسلام آباد میں ہوئی جس میں پاکستانی وفد کی قیادت سیکریٹری خارجہ تہمینہ جنجوعہ نے کی جب کہ افغان وفد کی قیادت نائب وزیر خارجہ حکمت خلیل کرزئی نے کی۔

ملاقات میں دو طرفہ امور اور علاقائی صورتحال پر تبادلہ خیال کیا گیا۔ 

دونوں وفود کی ملاقات کے بعد مشترکہ اعلامیہ بھی جاری کیا گیا جس میں کہا گیا ہے کہ وزیراعظم پاکستان شاہد خاقان عباسی سے افغان صدر کی گزشتہ ماہ ملاقات کے نتیجے میں مذاکرات ہوئے ہیں۔