آئرلینڈ کیخلاف کیچز ڈراپ کرنا ہمارے لیے نقصان دہ ثابت ہوا،اظہر علی

ڈبلن: پاکستان کرکٹ ٹیم کے کھلاڑی اظہر علی کا کہنا ہے کہ آئرلینڈ کا مقابلہ پاکستان کے اچھے بولنگ اٹیک سے تھا پھر بھی انہوں نے اچھی بیٹنگ کا مظاہرہ کیا۔

آئرلینڈ کیخلاف میچ کے چوتھے روز کھیل ختم ہونے کے بعد گفتگو کرتے ہوئے اظہر علی نے کہا کہ کیون اوبرائن نے بہترین بیٹنگ کی، کیچز ڈراپ کرنا ہمارے لیے نقصان دہ ثابت ہوا۔

اظہر علی نے کہا کہ ہمارے بولرز نے پہلے سیشن میں اچھی بولنگ کی، محمد عامر انجری کے باوجود خطرناک بولنگ کر رہا ہے، امید ہےعامر جلد انجری سے مکمل صحت یاب ہوجائیں گے

انہوں نے کہا کہ چوتھی اننگز میں ہدف حاصل کرنا آسان نہیں ہوتا، امید ہے ہماری بیٹنگ لائن آخری روز اچھا کھیل پیش کرے گی۔

خیال رہے کہ آئرلینڈ نے پاکستان کے خلاف تاریخی ٹیسٹ کے چوتھے روز دوسری اننگز میں 7 وکٹوں کے نقصان پر 319 رنز بنالیے اور اسے پاکستان پر 139 رنز کی برتری حاصل ہوگئی ہے۔

آئرلینڈ کی ٹیم ٹیسٹ کا درجہ ملنے کے بعد اپنا پہلا ٹیسٹ میچ کھیل رہی ہے جو اب دلچسپ مرحلے میں داخل ہوگیا ہے، پاکستان کو کامیابی حاصل کرنے کھیل کے آخری روز آئرلینڈ کو جلد از جلد آؤٹ کرنا ہوگا۔

پانچویں روز بارش کی بھی پیش گوئی ہے اور اگر ایسا ہوا تو میچ ڈرا ہوسکتا ہے۔

چوتھے دن کا کھیل ختم ہوا تو آئرلینڈ نے 7 وکٹوں کے نقصان پر 139 رنز بنائے تھے، کیون اوبرائن 118 اور ٹائیرون کین 8 رنز بناکر وکٹ پر موجود تھے۔